یقین نہیں آرہا جس شخص سے دو گھنٹے قبل ہاتھ ملایا اب وہ موجود نہیں، بالی ووڈ اداکار
بالی ووڈ کے مزاحیہ اداکار راجپال یادیو نے اداکار مشتاق خان کے انتقال پر دکھ کا اظہار کرتے ہوئے کہا ہے کہ یقین نہیں آرہا جس شخص سے دو گھنٹے قبل ہاتھ ملایا اب وہ موجود نہیں۔میڈیا رپورٹ کے مطابق بالی ووڈ اداکار مشتاق خان گزشتہ روز 56سال کی عمر میں پھیپھڑوں کے سرطان کے باعث انتقال کر گئے تھے ۔
مشتاق خان کے انتقال پر شوبز شخصیات کی جانب سے تعزیتی پیغامات کا سلسلہ جاری ہے، اداکار راجپال یادیو نے انتقال سے چند گھنٹے قبل ان سے ہونے والی آخری ملاقات کو یاد کرتے ہوئے جذباتی پیغام شیئر کرتے ہوئے کہا کہ میں دوپہر مشتاق بھائی سے ملنے گیا تھا، ان سے بات کی، انہوں نے مجھے دیکھا، ہاتھ ملایا اور میری گفتگو سنتے ہوئے جواب بھی دیتے رہے۔ راجپال نے کہا ہے کہ مجھے اب بھی یقین نہیں آ رہا کہ جس شخص سے میں نے صرف 2گھنٹے قبل ملاقات کی اور ہاتھ ملایا تھا، وہ اب ہمارے درمیان موجود نہیں۔راجپال یادیو نے ہسپتال میں مشتاق خان سے ملاقات کی ایک مختصر ویڈیو بھی شیئر کی تھی، تاہم بعد میں اسے تصویر سے تبدیل کر دیا۔
