tickersانٹر نیشنلانٹرٹینمنٹبلاگپاکستاندلچسپ و عجیبصحتعلاقائیکرکٹموسم

پاک انگلینڈ پہلا ٹیسٹ ہوگا یا نہیں؟ انگلینڈ بورڈ کا اہم بیان آگیا

انگلش کرکٹ بورڈ نے کھلاڑیوں کی صحت خراب ہونے کے بعد پاکستان کے ساتھ کل شروع ہونے والے راولپنڈی ٹیسٹ کے حوالے سے وضاحتی بیان جاری کیا ہے۔

ترجمان انگلش کرکٹ بورڈ کا کہنا ہے کہ انگلینڈ کے کھلاڑیوں میں کورونا کی علامات ظاہر نہیں ہوئیں اور کھلاڑی کل راولپنڈی ٹیسٹ کھیلنے کے لیےتیار ہیں۔ای سی بی کے ترجمان نے مزید کہا کہ میڈیکل پینل کھلاڑیوں کا معائنہ کر رہا ہے، کھلاڑیوں کی صحت معمول کے مطابق ہے، آرام کی غرض سے اسٹیڈیم نہیں آئے۔ ترجمان ای سی بی کا مزید کہنا ہے کہ کھلاڑیوں کو وائرل انفیکشن ہوا ہے جو معمول کی بات ہے۔

دوسری جانب پاکستان کرکٹ بورڈ کی جانب سے بھی سوشل میڈیا پر ایک بیان جاری کیا گیا ہے جس میں کہا گیا ہے کہ انگلش کھلاڑیوں کے انفیکشن میں مبتلا ہونے کے بعد پنڈی ٹیسٹ شروع کرنے کے حوالے سے انگلش بورڈ کے ساتھ رابطے میں ہیں۔پاکستان کرکٹ بورڈ کا کہنا ہےکہ ہم صورتحال کو مانیٹر کر رہے ہیں، پی سی بی معاملے پر جلد اپ ڈیٹ جاری کر دے گا۔

یاد رہے کہ انگلش ٹیم کے کپتان بین اسٹوکس سمیت 14 کھلاڑیوں میں بدہضمی کی شکایت سامنےآنے کے بعد اطلاعات سامنے آئی تھیں کہ پنڈی ٹیسٹ پر خطرے کے بادل منڈلانے لگے ہیں۔

Show More

Related Articles

Leave a Reply

Your email address will not be published.

Back to top button
Close
Available for Amazon Prime